डिग्री हाँसिल गर्नु जत्तिकै महत्वपूर्ण त्यसलाई व्यवहारमा उतार्नु हो–घिमिरे

कमला सापकोटा
सिद्धिपुर, ३ चैत्र ।
शैक्षिक डिग्री हाशिल गर्नु जत्तिकै महत्वपूर्ण कुरा शिक्षण सिकाइलाई व्यवहारमा उतार्नु रहेको होराइजन अंग्रेजी आवासीय माध्यमिक विद्यालय सिद्धिपुर कपिलवस्तुका प्राचार्य बासुदेव घिमिरेले बताउनु भएको छ ।
होराइजन मावि सिद्धिपुर कपिलवस्तुमा कक्षा ९ का विद्यार्थीले आयोजना गरेको एस ई ई का विद्यार्थीहरुका लागि शुभकामना प्रदान कार्यक्रमलाई सम्बोधन गर्दै प्राचार्य घिमिरेले जिल्लाको पहिलो क वर्गको विद्यालय, प्रदेशको शान तथा राष्ट्रको गौरबको रुपमा स्थापित विद्यालयको गरिमालाई अझ उँचो राख्न एस ई ई परीक्षा २०८१ कोशेढुंगाको रुपमा काम गर्नेमा आफू विस्वस्त रहेको बताउनुभयो ।
सयपत्री क्याम्पसका क्याम्पस प्रमुख समेत रहनुभएका प्राचार्य घिमिरेले कक्षा ११, १२ तथा सयपत्री क्याम्पसले व्यवस्थापन तर्फ सर्वाेत्कृष्टता हासिल गरेको स्मरण गर्दै विज्ञान संकाय तर्फको अध्यापन पनि सुरु गर्ने विद्यालयको तयारीले यसै शैक्षिक सत्रबाट सार्थकता लिने संभावना न्युन रहेको जानकारी दिनुभयो ।
कक्षा ९ की विद्यार्थी सुहाना जिसीको अध्यक्षता, विद्यालय व्यवस्थपन समिति अध्यक्ष राजेन्द प्रसाद ध्वजुको प्रमुख आतिथ्यता, विद्यालय एवं क्याम्पस सञ्चालक समितिका उपाध्यक्ष विरेन्द्र श्रेष्ठ र विद्यालयका प्राचार्य बासुदेव घिमिरेको विशिष्ट आतिथ्यता, कक्षा १० का विद्यार्थीहरुको विशेष आतिथ्यता, सयपत्री क्याम्पसका कार्यकारी निर्देशक सुरेन्द्र घिमिरे, विद्यालय सञ्चालक समति सदस्यहरु लक्षमण अधिकारी, उषा नेपाल, खगेस्वर अधिकारी, विभिन्न तह संयोजकहरु मोहन प्रसाद बेल्वासे, गिता शर्मा पोख्रेल, शालिकराम आचार्य, पदमपाणी ढुंगाना, चन्द्रा मल्ल, वद्यालयका शिक्षक शिक्षिका लगायतको आतिथ्यता, डेनियल अधिकारीको स्वागत, बविसा पौडेल र परिसा गौतमको सञ्चालनमा कार्यक्रम सम्पन्न भएको विद्यालयले जनाएको छ ।