आलोक
सिद्धिपुर, ७ भाद्र ।
वाणगंगा ४ सिद्धिपुरमा अवस्थित राईजिङ स्टार वोर्डिङ स्कुलले एक पछि अर्काे गर्दै सफलताको श्रेणी उक्लिएको पाइएको छ ।
विद्यालयका शैक्षिक नतिजामा पनि अब्बल रहेको राइजिङ स्टार बोर्डिङ स्कूलले अतिरिक्त क्रियाकलापहरुमा पनि जिल्लामै सर्वाेत्कृष्ट नतिजा ल्याएको पाइएको हो । प्याब्सन कपिलवस्तुले यहि भदौ ५ मा आयोजना गरेका विभिन्न प्रतिस्पर्धामा राइजिङ जिल्लामै उत्कृष्ट नतिजा ल्याएको विद्यालयले जनाएको छ ।
जिल्ला भरीका नीजि तथा आवसीय विद्यालय सहभागी हाजिरीजवाफ प्रतियोगितामा सोहि विद्यालय कक्षा ४ मा अध्ययनरत छात्र अभिनव खनाल र कक्षा ५ मा अध्ययनरत छात्रा आशिका चौधरी जिल््ला द्वितीय हुन सफल भएकी हुन् । उनीहरु यस अघि वाणगंगा नगर भित्रका विद्यालय विचको छनौट चरणको हाजिरीजवाफ प्रतियोगितामा प्रथम स्थान प्राप्त गरि जिल्ला स्तरीय प्रतियोगिताका लागि छनौट भएका थिए ।
यस्तै द्रुत गणना (फाष्ट काउन्टीङ) प्रतियोगितामा कक्षा यू.के.जी मा अध्ययनरत छात्रा आशिका चौधरी पनि जिल्ला द्वितीय हुन सफल भएकी हुन् । उनी नगर स्तरीय फाष्ट काउन्टीङ प्रतियोगितामा तृतीय भई जिल्ला स्तरीय प्रतियोगिताका लागि छनौट भएकी थिइन् । यस अघि प्याब्सन कपिलवस्तुले २०८२ वैशाख ३० मा बुद्धभूमि क्याम्पसमा आयोजना गरेको जिल्ला स्तरीय हस्तलेखन प्रतियोगितामा राइजिङ स्टार बोर्डिङ स्कुल कक्षा यु. के. जीमा अध्ययनरत छात्रा आरुषी पौडेल प्रथम स्थान हाशिल गरेकी थिइन् ।
त्यस्तै कक्षा १–५ अन्तर्गत् कक्षा ५ मा अध्ययनरत छात्रा सृष्टि सुनारले नेपाली हस्तलेखन प्रतियोगितामा प्रथम स्थान हासिल गर्न सफल भएकी थिइन् । अंग्रजी भाषाको हस्तलेखन प्रतियोगिता कक्षा १–५ मा गरिमा आचार्यले चौथो स्थान हाशिल विद्यालयले जनाएको छ । उनीहरु वैशाख ३० मा सम्पन्न नगर स्तरीय प्रतियोगितामा जित हाशिल गर्दै जिल्ला स्तरीय प्रतियोगिताका लागि छनौट भएका थिए । आरुषी र गरिमा वाणगंगा नगरप्रथम भएका थिए भने सृष्टी नगर द्धितीय भएकी थिइन् ।
“चार नम्बर सिद्धिपुरमा केहि मा.वि. विद्यालय विचमा रहेको आधारभूत विद्यालय राइजिङ स्कुल निरन्तर रुपमा शैक्षिक सर्बाेत्कष्टताको लयमा अगाडी बढिरहेको छ हामी ठुलो विद्यालयको छायाँ परे जस्तै देखिएकाले हो, फेरि हामी प्रचार प्रसारमा भन्दा पनि काममा ध्यान दिन्छाँै, प्याब्सनले आयोजना गरेको प्रतियोगिताको नतिजा पछि तपाईले मलाई प्रश्न गर्नुभयो, पत्रकारका पश्नको जवाफ दिनु आवश्यक रहेकोले मैले प्रष्ट्याउने जमर्काे मात्रै गरेको हुँ, भगवानरुपी अभिभावक नै हाम्रो अगाडी बढ्ने आधार हुनुहुन्छ्, विद्यार्थीको परिश्रम र लगाव तथा हाम्रो शिक्षक मित्रहरुको मार्गदर्शन प्राप्त नतिजाका लागि जिम्मेवार तत्व हुन”्, प्रधानध्यापक डिवि थापाले लिङ्क्स नेपाल संग भन्नु भयो ।
जुलोजी विषयमा स्नातकोत्तर एम एस सी गर्नु भएका प्रधानध्यापक थापा प्याब्सन लुम्विनी प्रदेशका सदस्य हुनुहुन्छ। उहाँले २०६५ सालमा विद्यालय स्थापना गर्नुभएको थियो। विद्यालयमा हाल झण्डै ३०० विद्यार्थी रहेका छन् ।
विद्यार्थीको गलामा विजयको हार, उज्यालो छन् शिक्षकका अनुहार ।। (तस्वीरहरु)
