– धनुषाको जनकपुरधाम उपमहानगरपालिका–२४ का वडाध्यक्ष र वडासचिवसहित तीन जना घुससहित पक्राउ परेका छन् ।
वडाध्यक्ष उपेन्द्र सहनी, वडासचिव उपेन्द्र साह र विजय मण्डल चार लाख ५० हजार घुस रकमसहित पक्राउ परेका अख्तियार दुरुपयोग अनुसन्धान आयोगले जनाएको छ । अख्तियारका अनुसार उनीहरूले घर बाटो प्रमाणित गरिदिनका लागि घुस लिएका थिए ।
अख्तियारको कार्यालय बर्दिवासबाट खटिएको टोलीले उनीहरूलाई घुस रकमसहित वडाध्यक्षबाट कार्यकक्षबाट पक्राउ गरेको अख्तियारका प्रवक्ता नरहरि घिमिरेले जानकारी दिनुभयो ।