नेकपा एमाले केन्द्रिय लेखा आयोगका उपाध्यक्ष एवम् लुम्बिनी प्रदेश सभा सदस्य विष्णु पंथीले स्व. ईश्वरी गिरीकोको सामाजिक एवम् राजनैतिक क्षेत्रमा महत्वपूर्ण योगदान रहेको चर्चा गर्नु भयो । नेता पंथीले स्व. गिरीको संझनामा नेकपा एमाले बाणगंगा वडा नं। ७ वडा कमिटीद्धारा बनगाईमा शनिवार आयोजित श्रद्धाञ्जली सभामा शोक मन्तब्य राख्दै यस्तो धारणा राख्नु भएको हो
शोक मन्तब्य राख्दै नेकपा एमालेका केन्द्रिय निर्वाचन आयोगका सदस्य झविलाल पोख्रेलले एक असल, राजनैतिक एवम् सामाजिक ब्यतित्व गुमाउदा आफुलाई निकै पिडा महशुस भएको धारणा राख्नु भयो । श्रद्धाञ्जली सभामा एमाले जिल्ला सचिवालय सदस्य एवम् स्व.गिरीका दाजु नेत्रज्योती गिरीले शोक मन्तब्य राख्दै प्यूठानको नौ बदिनी गाउँपालिकाको वडा नं २ मा बुवा वेगम गिरी र आमा हस्ता देवी गिरीको १० भाई छोरा र २ दिदी वहीनी मध्येका छैठौं सन्तान हुन । ईश्वरी गिरीको २०२७ साल कात्तिक १७ गते जन्मनु भएको हो ।
स्व. गिरीको श्रद्धाञ्जलीका निम्ति पार्टी नेता, कार्यकर्ता, स्थानियबासी, आफन्तजनको उपस्थिती रहेको एमाले वडा नं।७ का वडा कमिटी सचिव हरिशंकर पौडेलले जानकारी दिनु भयो । स्व. गिरीका दुई छोरी र १ छोरा रहेका छन् । स्व।ईश्वरी गिरी विगत केही वर्ष देखि गारमेन्ट उद्योग सञ्चालन गर्दै आउनु भएको थियो ।
श्रद्धाञ्जली सभामा एमाले लुम्बिनी प्रदेश कमिटी सदस्य एवम् पूर्व जिल्ला अध्यक्ष डम्मर शर्मा, लुम्बिनी प्रदेश कमिटी एवम् बाणगंगा नगरपालिकाका नगर प्रमुख चक्रपाणी अर्याल, एमाले लुम्बिनी प्रदेश कमिटी सदस्यहरु धर्मराज भुसाल, द्रोणराज सुवेदी, पूर्णकला सुनार, धन कुमारी अधिकारी, एमाले जिल्ला उपाध्यक्ष शंकर पाण्डे, जिल्ला उपसचिव देवी बहादुर पोख्रेल, एमाले नेता, कार्यकर्ता स्थानियबासी एवम् शुभेच्छुकहरुको उपस्थिती रहेको थियो ।
श्रद्धाञ्जली सभा वडा नं. ७ का वडा कमिटी अध्यक्ष प्रताव कुमार गिरीको अध्यक्षता वडा कमिटी सचिव हरिशंकर पौडेलको संचालनमा सम्पन्न भएको एमाले वडा नं। ७ वडा कमिटीले जनाएको छ ।
स्व. गिरीको यही भाद्र १४ गते सवारी दूर्घटनामा परी लुम्बिनी प्रादेशिक अस्पताल बुटवलमा उपचारका क्रममा ५४ वर्षको उमेरमा भाद्र १५ गते निधन भएको थियो ।