कमला सापकोटा पौडेल,
वाणगंगा २ फागुन ।
ज्ञानपुञ्ज अंग्रेजी आवासीय माध्यमिक विद्यालय वाणगंगा २ राजपुरमा सरस्वती पुजाको अवसर पारी अक्षरारम्भ कार्यक्रम तथा शैक्षिक प्रर्दशनी कार्यक्रम बुधवार सम्पन्न भएको छ । बसन्त पञ्चमीको अवसर पारी सञ्चालन गरिएको अक्षरारम्भ कार्यक्रम मार्फत स साना बाबु नानीहरुले अक्षरारम्भ गरेको प्रधानध्यापक सुरेन्द्र पाण्डेले जानकारी दिनुभयो ।
भर्ना शुल्कमा ५० प्रतिशत छुट सहित गरिएको अक्षरारम्भ कार्यक्रममा अभिभावकको माग बमोजिम फागुन १० गते सम्मका लागि भर्ना समय थप गरिएको उहाँले बताउनु भयो ।
सोहि अवसरमा विद्यालयमा कक्षा ४ देखि कक्षा ९ सम्मका विद्यार्थीले निर्माण गरेका विभिन्न शैक्षिक सामग्री प्रर्दशन समेत गरिएको विद्यालय व्यवस्थापन समिति अध्यक्ष नारायण पौडेलले जानकारी दिनुभयो ।
वाणगंगा २ का वडाध्यक्ष तथा नगर प्रवक्ता विष्णु पौडेल प्रमुख आतिथ्यता रहेको कार्यक्रममा प्रवन्ध निर्देशक रोमकान्त घिमिरे, संस्थापक पदमलाल अधिकारी लगायतको आतिथ्यता रहेको सहायक प्रधानध्यापक मेहशराज पन्तले जानकारी दिनुभयो ।