वाणगंगा, २९ भाद्र ।
अवैध लागू औषध सहित कपिलवस्तुको वाणगंगा बाट २ जना पक्राउ परेका छन् ।
प्रहरी निरिक्षक लोकेन्द्र जिसिको कमाण्डमा खटिएको इलाका प्रहरी कार्यालय पिपरा कपिलवस्तुको मोबाइल गस्ति टोलीले भदौ २६ गते साँझ वाणगंगा ९ कपिलधाम क्षेत्रबाट ब्राउन सुगर जस्तो देखिने ०.५८० ग्राम लागू औषध सहित टीका बहादुर महतलाई पक्राउ गरेको हो ।
त्यस्तै भाद्र २७ गते राती वाणगंगा ७ मोतीपुरबाट ९६० मिलिग्राम ब्राउन सुगर सहित शेर बहादुर थारुलाई पनि पक्राउ गरि दुबै जनालाई हिरासतमा राखेको बताइएको छ ।
घटनाबारे थप अनुसन्धान भैरहेको प्रहरीले जनाएको छ । इलाका प्रहरी कार्यालय पिपरामा हालै सरुवा भई आउनु भएका प्रहरी निरिक्षक लोकेन्द्र जिसिले इलाका भित्र शान्ति सुरक्षा कायम गर्न रफ्तारमा कामको गति सुरु गर्नु भएको पाइएको छ ।