चितवनको इच्छाकामना ४ स्थित घोप्टे भीरमा पहिरो जाँदा पृथ्वी राजमार्ग अवरुद्ध भएको छ।
शुक्रवार बिहान ७:२५ को समयमा घोप्टे भिरको माथिबाट लेदो सहितको पहिरो खस्दा सडक पूर्ण रूपमा अवरुद्ध भएको हो । पहिरो हटाउन केही समय लाग्ने जिल्ला प्रहरी कार्यालय चितवनले जनाएको छ। अहिले प्रहरी र सडक विभागको टोलीले पहिरो हटाउने काम जारी राखेका छन्। सडक अवरुद्ध हुँदा सवारी साधनको लाइन दुवै तर्फी लागेको छ।