काठमाडौं महानगरपालिकाको नगर प्रहरी बल जरिवाना पत्र बुझाउन निर्मल निवास पुगेको छ।
काठमाडौं महानगरपालिका–३२ स्थित, तीनकुने, कोटेश्वर र जडीबुटी क्षेत्रमा भएको तोडफोड, आगजनी र दमकलमासमेत शुक्रबार आगजनी गरिएपछि तोकिएको जरिवानाको पत्र निर्मल निवास लगिएको हो ।
राजावादीहरूको उग्र प्रर्शनपछि भएको क्षतिको जिम्मेवार पूर्वराजा ज्ञानेन्द्र शाहलाई बनाउँदै काठमाडौं महानगरपालिकाले विभिन्न शीर्षकमा शनिबार ७ लाख ९३ हजार जरिवाना गराउने निर्णय गरेको थियो ।
सडकसहितका सार्वजनिक स्थानमा गरिएको फोहोर, निजी तथा सार्वजनि सम्पत्तिल तोडफोडसहितको जरिवाना पत्र बोकेर महानगरको नगर प्रहरी बल महाराजगञ्जस्थित निर्मल निवास परिसर पुगेको हो ।
विभिन्न शीर्षकका ८ वटा जरिवाना पत्रसहित शाहको निजी निवास निर्मल निवासमा नगर प्रहरी पुगेको हो । महानगर प्रहरी बलका प्रमुख राजु पाण्डेले टोली निर्मल निवास पुगेको बताएका छन् ।
उनका अनुसार निर्मल निवासले जरिवाना पत्र बुझ्न अस्वीकार गरेको छ । तर उक्त पत्र बुझाउने अडानसहित नगर प्रहरी बल अहिले निर्मल निवासमै बसिरहेको छ ।
