ओलम्पिक च्याम्पियन बिट्रिस चिबेटले महिला पाँच हजार मिटर दौडमा विश्व कीर्तिमान कायम गरेकी छिन्।
केन्याली धावक चिबेटले, बार्सीलोना रेसमा विश्व कीर्तिमान बनाएकी हुन्। २४ वर्षीया चिबेटले निर्धारित दुरी १३ मिनेट १४ सेकेन्डमा पुरा गरेकी हुन्। उनी यो विधामा १४ मिनेट भन्दा कम समयमा रेस पुरा गर्ने पहिलो महिला खेलाडी पनि बनिन्। यसअघि यो विधाको विश्व कीर्तिमान उनकै नाममा थियो।
चिबेटले बार्सीलोना रेसमा नै बनाएको समायमा १९ सेकेन्डले सुधार गरेकी हुन्। चिबेटले यहि वर्षको पेरिस ओलम्पिकमा पाँच हजार र दश हजार मिटरमा स्वर्ण पदक जितेकी थिइन्। उनले विश्व कीर्तिमान पछि, सवै योजना अनुसारनै भएको भन्दै खुशी ब्यक्त गरिन्। १४ मिनेट भन्दा कम समयमा दौडन सक्छु भन्ने विश्वास रहेको र त्यो विश्वास वास्तविकतामा परिणत भएको उनको भनाइ छ ।
उनले अबको लक्ष्य अर्को वर्ष टोकियोमा हुने विश्व च्याम्पियनसिपमा पाँच हजार र दश हजार माथि स्वर्ण जित्नु रहेको बताइन्। सन २०२४ मा नै उनले गत मे मा दश हजार मिटरमा पनि विश्व कीर्तिमान बनाएकी थिइन्। यस्तै सेप्टेम्बरमा ५ हजार मिटरमा दोस्रो पटक डायमन्ड लिग उपाधि हात पारेकी थिइन्।
