नेपाल प्रिमियर लिग (एनपीएल) मा लुम्बिनी लायन्सले चितवन राइनोजलाई १६८ रनको चुनौती दिएको छ। मङ्गलबार बिहान भएको खेलमा कप्तान रोहित पौडेल र साद विन जाफरको अर्धशतकसँगै २० ओभरमा ६ विकेट गुमाउँदै लुम्बिनीले १६७ रन जोड्यो।
त्रिवि मैदान, कीर्तिपुरमा टस जितेर चितवनले बलिङ रोजेपछि लुम्बिनी ब्याटिङमा उत्रेको थियो। लुम्बिनीका कप्तान रोहित पौडेलले ५७ बलमा ६ चौका र ५ छक्कासहित ८० रनको शानदार योगदान दिए। चितवन अहिले जवाफी ब्याटिङ गरिरहेको छ।
