एन्फा महिला लिग फुटबलमा कोशी प्रदेशको अपराजित यात्रामा पूर्णबिराम लागेको छ ।
बुधबार नेपाल पुलिस क्लबसँग पराजित भएसँगै कोशीको तीन खेल लामो अपराजित यात्रामा पूर्णबिराम लागेको हो । कोशीलाई हराउँदै पुलिस भने तालिकाको शीर्ष स्थानमा उक्लिएको छ । समान खेलबाट पुलिस दोस्रो स्थानमा छ ।
एन्फा कम्प्लेक्स सातदोबाटोमा भएको खेलमा पुलिसले कोशीलाई ४(० गोलले पराजित गर्यो । चार खेलमा पुलिसको यो तेस्रो जित हो ।
पुलिसलाई जित दिलाउन निर्मला उपाध्याय, अनुष्का शेर्पा, सम्झना लावती र अमृता जैसीले समान एक(एक गोल गर्नुभयो ।
अनुष्काले २४औं, निर्मलाले ४६औं, सम्झनाले ७९औं र अमृताले ८८औं मिनेटमा गोल गर्दै पुलिसलाई अंक तालिकाको शीर्ष स्थानमा पुर्याउनु भएको हो ।
जितपछि ४ खेलमा १० अंकका साथ पुलिस शीर्ष स्थानमा उक्लिएको छ । समान खेलबाट कोशी ९ अंकसहित दोश्रो स्थानमा छ ।